प्रभु छय दिन ने ये ब्रमांड बनायला आवरी आयं ताने जोन कुछ पने आचे ताके बनायला | प्रभु संसार के बानायलार बाद ने संसार अन्दार ने बरला आवरी सुन सां पड़ी रये, आवरी आयं ताने काहींची बनायी ना रये | मतर आयं पानी ताने प्रभु र आत्मा पोंहर ते रये |
तेबे प्रभु बल्ला "उजर अहो”, तेबे उज्र होयला | प्रभु उज्र के दकला की अच्चा आय ; आवरी प्रभु उजर के ''दिन '' दिन बल्ला | प्रभु उजर के अन्दार ले अलग करला, आवरी अनदार के प्रभु ''राती'' बल्ला | प्रभु संसारर आगर दिन ने उजर के बनायला |
शुरुने संसार र दूसरा ने, प्रभु बल्ला आवरी संसार र उपरे बादरी के बनायला, तीसरा दिन ने, प्रभु बल्ला आवरी पानी के सुकला बुयं ले अलग करी देला|
प्रभु सुकला बुयं के ''धरती'' बल्ला; मातर जोन पानी कूड़ा होयला टा के ''समुन्द'' बल्ला |
आवरी प्रभु बल्ला ''धरती ने सबु प्रकार गच आवरी बूटा अहो| ''आवरी असनि ही होयला| प्रभु दक्ला की जोन पने आयं करला अच्चा आय|
संसारर चोंता दिन ने, प्रभु बल्ला आवरी बेर, जोन, आवरी तारा मन के बनायला| प्रभु धरती के बादरी देबा काजे आवरी दिन आवरी राती, मसम आवरी साल के चिना करबा काजे तीके बनायला|
पांचवा दिन, प्रभु बल्ला आवरी पानी ने पोंहर बा बीती सबु छेड़े मन के बनायला | प्रभु दक्ला की अच्चा आय, आवरी तीके आशिस देला|
संसारर छय दिन ने, प्रभु बल्ला ''सबु प्रकारर बुयंयर जानवर अहओत|'' आवरी प्रभु जसन बल्ला असनि होयला| किन्मा बुयं ने रंग बीती, किन्मा खेती बीती, आवरी किन्दिमा कमन र जानवर रयेत| आवरी प्रभु दक्ला की ये अच्चा आय|
आवरी प्रभु बल्ला, ''आमी माने मन के अपनार रूप ने अपनार असन बनायबू| तार लगे संसारर सबु जानवरर अधिकार रसी|''
आवरी प्रभु किन्मा माटी दरला, आवरी ताके माने बनायला, आवरी आयं ती जीवर साँस पुकी देला ये मानेर नाव आदम रहो| प्रभु आदम के रबा काजे गोटोक वाटिका बनायला, आवरी वाटिकार दक बाल करबा काजे ताके आयं ताने सोंगायला|
वाटिकार मंजी ने, प्रभु दुई बिसेस बीती गच लागायला-जीवनर गच आवरी अच्चा आवरी
अडरार ज्ञान र गच लागायला| प्रभु आदम ले बल्ला की आयं अच्चा आवरी अडरा ज्ञानर गचर पल के चाड़ी वाटिका र कोनी पने गचर पल के कायके सकिस| अगर आयं ये गचर पल के कहा, तेबे आयं मरी जायसी|
आवरी प्रभु बल्ला ''मानेर एकला रबार अच्चा नुआय| मातर जानवर मन ले कोनी पने आदमीर सहारा ना बनके सके|
आयं काजे प्रभु आदम के सूद नोयला माँ नीद ने डाल्ला| तेबे प्रभु आदमर आड़ा के निकराय करी गोटोक बायले बनायला आवरी ताके आदम लगे आन्ला|
जेबे आदम ताके द्क्ला, ''आकरी ने ! ये मर जश्न आय! आयं माने ले बनायलार आय आन्ही काजे ताके, ' बायलेर' नाव ले जाना जाहुआय|” ये कारन आय की गोटोक माने अपनार बाबा आवरी आया के चाड़ी करी अपनार बायले संगे रहू आय|
प्रभु अपनार रूप ने माने आवरी बायले के बनायला|आवरी प्रभु द्कला की ये अच्चा आय| तिके आयं आशिस देला आवरी तीके बल्ला, ''कुबे पिला टोकी के जन्माहा आवरी धरती ने बरा!'' ये सबु बनायबा बीती छय दिन ने ही होयला|
इस तरह परमेश्वर ने यह ब्रह्मांड और सब कुछ जो उसमें है बनाया । जेबे सातवाँ दिन आयला, प्रभु अपनार काम के सराय रय| आइकाजे प्रभु जोन पने आयं करते रये आय सबु ले आराम करला| आयं सातवाँ दिन के आशिस देलाआवरी ताके पवित्र बनायला कसन की ये दिन प्रभु अपनार काम ले आराम दरला |
बाइबलर कहानीर :सुरुवाद1-2
